Tilgang til gode og oppdaterte geodata er viktig for sikker ferdsle, friluftsliv og opplevingar, og for effektiv offentleg forvaltning og privat næringsverksemd.

Landkartlegging dekkjer innsamling, tilrettelegging og forvaltning av grunnleggjande geografisk informasjon for fastlands-Noreg. Dette omfattar informasjon om terrenget (høgdekurver og terrengmodellar), ein del menneskeskapte objekt (vegar, bygningar og liknande) og ulike former for grenselinjer. I tillegg blir det produsert standard kartseriar. Ein stor del av denne produksjonen skjer i samarbeid med andre offentlege etatar og privat verksemd.

Kartverket etablerer og vedlikeheld fleire typar landsdekkjande geodatabasar med grunnleggjande informasjon om terreng, bygg og samferdsle. Databasane er tilpassa ulik detaljgrad og målestokk. Den mest detaljerte kartlegginga (FKB-data A-C) foregår i dei mest sentrale delane av landet, område som er viktige av næringsmessige omsyn. I Møre og Romsdal utgjer dette ca 65 prosent av landarealet. Databasane N50 Kartdata - N5000 Kartdata dekkjer hele landet.

Les meir om Geovekst, ortofoto, vedlikehald og Euref 89 i Møre og Romsdal.