Stadnamn er regulerte i lovverket

Stadnamn vert nytta i all offentleg og privat verksemd. Bruken av stadnamn er regulert i lov om stadnamn, og reglane er knytte til skrivemåte, adressering, skilting, stadnamn i kart utgitt i offentleg regi og bruken av stadnamn i offentlege dokument og register. Det er skrivemåten som vert regulert. Kartverket har ansvaret for oppfølging av lova. Kartverket har òg ei rekkje produkt med stadnamn, både trykte produkt og kart- og søkjetenester på Internett.

Lov om stadnamn påverkar bruken av namn hos ulike aktørar og gir reglar for bruk i fleirspråklege område;

• Kommunane: Kommunane vel både sjølve namnet og gjer vedtak om skrivemåten av namn på tettstader, grender, bustadfelt, bydelar, kommunale anlegg, gater, vegar, parkar osv. Fordi kommunane er adressemyndigheit, vedtek dei skrivemåten av namn som skal brukast i offentleg adressering. Unnatak er gardsnamn og bruksnamn. Kommunane må følgje offentlege vedtekne skrivemåtar. Les meir.
  

• Offentlege etatar: Lov om stadnamn gjeld bruk av stadnamn i selskap som det offentlege eig fullt ut, og i læremiddel som skal brukast i skolen. Etter endringane i lov om stadnamn frå 2005 er det Statens kartverk som fastset skrivemåten av stadnamn på vegner av andre statlege etatar, t.d. namn på Kystverket sine fyr og Vegvesenet sine bruer og tunnelar. Men etaten vel sjølv kva namn. Offentlege etatar kan kontakte Kartverket for informasjon om prosedyrar og praksis. Les meir.
  

• Statens kartverk: Kartverket har eit forvaltningsansvar etter lov om stadnamn frå 1990. Oppgåva for Kartverket er å innhente informasjon om faktisk namnebruk, fastsetje skrivemåten av naturnamn og nedervde gards- og bruksnamn, og dessuten drifte Sentralt stadnamnregister (SSR). Etter endringane i lov om stadnamn frå 2005 fastset vi også skrivemåten på vegner av andre statlege etatar, sjå avsnittet over. Statens kartverk er òg ein stor brukar av stadnamn. Sjå meir om namn i Kartverket sine produkt og under kart og stadnamnabeidet knytt til N50-N5000 kartdata. Kartverket vedtek skrivemåten av dei fleste namna som vert brukte på kart. Denne vedtaksretten er delegert til dei einskilde fylkeskartkontora. Les meir
  
  
• Grunneigarane: Etter lov om stadnamn kan eigar eller festar fastsetje namn på eige bruk. Men denne retten er avgrensa. Det finst reglar for korleis skrivemåten av gardsnamn og bruksnamn skal handsamast. Les meir.
  
  
• Fleirspråklege område: For fleirspråklege område er regelen i lova at samiske og kvenske namn som blir nytta blant folk som bur fast på eller har næringsmessig tilknyting til staden, til vanleg skal brukast av det offentlege, t.d. på kart, skilt, i register mm. saman med eventuelt norsk namn. Les meir om fleirspråklege område og meir om språk i Noreg.

Kontaker og saksgang

• Kontakt i Kartverket: Sjølve saksbehandlinga vert gjord av dei regionalt namneansvarlege. Her finn du eit kart med den regionen (og fylka) kvar av dei har ansvaret for. Les meir.
• Stadnamntenesta: I namnearbeidet samarbeider Statens kartverk nært med stadnamntenesta i Språkrådet. Stadnamntenesta for kvenske namn er òg organisert under Språkrådet. Den samiske stadnamnetenesta er ein del av Sametinget.
• Saksgang: Saksgangen ved behandling av namnesaker (skrivemåte, feilplassering mm.)