Ny plandel av plan- og bygningslova (jf.Ot.prp. nr.32 (2007-2008)) stiller krav om at kommunane skal ha eit planregister (jfr. Pbl § 2-2.). Dette gjer det nødvendig å standardisere krava til den planinformasjonen som skal inngå i registeret. I samband med dette har kommunane Austrheim, Fedje, Lindås, Masfjorden, Meland, Modalen, Osterøy, Radøy og Vaksdal i Hordaland og kommunen Gulen i Sogn og Fjordane starta opp eit pilotprosjekt: kommunalt planregister- pilot Nordhordland.

Pilotprosjektet skal blant anna teste nytt planregistersystem, konvertere eksisterande register til nytt system og supplere objekta i registra med manglande data i høve til minimumsspesifikasjonane. Dei skal utarbeide samhandlingsrutinar med fylkeskommunane og utarbeide eit revidert samordna forvaltningssystem for planregisteret i regionen.

Prosjektet vil bli leia av Regionrådet Nordhordland IKS. Statens kartverk koordinerer prosjektaktiviteten på vegne av Miljøverndepartementet. Målet er å realisere tilgang til informasjon om planområde gjennom kommunale planregister. Arbeidet skal bidra til å avklare spørsmål i høve til rammeverk, standardiserings- og spesifikasjonsarbeid.