Andelsidentifikasjonen er bygt opp på følgjande måte: Burettslaget sitt organisasjonsnummer (ni siffer) og eit unikt andelsnummer (maksimalt fem siffer). Desse svarar til kommune-, gards-, bruks-, feste- og seksjonsnummer for fast eigedom.

Eit fiktivt eksempel på identifikasjon av ein burettslagsandel er:
Kinsarvik burettslag, org. nr. 948 561 358, andel 58.

Ved melding til Tinglysing burettslag er det viktig å bruka korrekt andelsidentifikasjon.

• Ein må bruka korrekt andelsidentifikasjon på dokument som skal tinglysast. Dokument med feilaktig identifisering av burettslagsandel vil normalt bli returnert utan dagbokføring, jf. tinglysingslova § 7.
  
  
• Skal ein bestilla utskrifter frå grunnboka, må bestillinga innehalda korrekt andelsidentifikasjon.
  
  
• For å sikre rask og effektiv handtering av spørsmål til kundesenteret, må ein ha tilgjengeleg korrekt andelsidentifikasjon ved spørsmål om burettslagsandelar. Til orientering gir ikkje kundesenteret ut opplysingar om kva burettslagsandel ein namngitt person er heimelshavar til.

Ved tinglysing av burettslag, krev tinglysingsstyresmakta at andelane blir identifiserte med ein talverdi med maksimalt fem siffer. For nokre burettslag har dette kravet ført til ei endring av opphavleg identifisering av andelane. Er ein i tvil om kva som er korrekt andelsnummer, kan burettslaget sin forretningsførar informera om dette.